कोहिनूर हिरा हैदराबाद इवल्या गोवळकोंडा परिसरात सापडला होता. एक रत्नपारखी व्यक्ती काही कामानिमित्ताने गोवळकोंड्याला गेला होता. तिथल्या रस्त्यावरून जाताना त्याचे लक्ष रस्त्यावर खेळत असलेल्या मुलांकडे गेले ती मुले एका विशिष्ट लगोरीचा खेळ खेळत होती त्यामध्ये एक सपाट दगडाने काही अंतरावरील गोल दगडाला मारावयाचे असते. रत्नपारखीच तो, त्याचे लक्ष त्या मुलाच्या हातातील दगडाकडे गेले, त्याने त्या मुलाला विचारले, “बाळा, हा दगड कोठुन आणला?” मुलगा म्हणाला, “अहो काका, आमच्या शेतात असे खूप दगड आहेत” त्या रत्नपारख्याला काहीतरी वेगळे आहे हे लक्षात आले. त्याने मुलाला सोबत घेतले आणि त्याच्या वडिलांकडे गेला वडिलांना भेटून त्याने त्यांचे ते शेत विकत मागितले एरवी पडीक पडलेली जमीन ठेवून करायचे काय, असा विचार करून त्या शेतकऱ्याने ती जमीन रत्नपारख्याला विकली त्या रत्नपारख्याने कमी भावात ती संपूर्ण जमीन विकत घेतली, त्यानंतर जे घडले तो इतिहास आहे कारण आज इंग्लंडच्या राणीच्या ताब्यात असलेला कोहिनूर हिरा त्याच जमिनीत सापडला आहे हा हिरा राणीच्या मुकुटात चमकतो आहे
शेतकऱ्यासाठी ती पडीक शेतजमीन होती, त्यामुळे त्यातल्या दगडांचे मोल त्याला जाणवण्याचे काही कारण नव्हते. चमकदार दगड पाहूनही त्याला कुणाला काही विचारावे वाटले नाही. रत्नपारखी व्यक्ती नक्कीच हुशार होती, त्याने ती सर्व शेतजमीन विकत घेऊन तिथे खाणकाम केले. त्यातून त्याला अनेक हिरे सापडले, कोहिनूर हिऱ्यासह अनेक हिऱ्यांमुळे तो अब्जाधीश झाला. अशा कोट्यवधी हिऱ्यांची किंमत दिली तरी न मिळणारे आपले शरीर व त्याची इंद्रिये आपणास सहजपणे, फुकट मिळाल्यामुळे त्याचा वापर आपण त्या मुलाप्रमाणे दगडासारखाच करत आहोत म्हणून शरीर व मन महत्त्वाचे आहे. शरीरासाठी रोज व्यायाम करा. आहार, विहार, यावर लक्ष द्या व मनासाठी ध्यानधारणा करा.
आपला परिवार नागेबाबा परिवार
-डॉ. दत्ता कोहिनकर
(सुखाचा पासवर्ड या पुस्तकातून)
